Velkomen til den klassiske sommarkonsertserien i Valle kyrkje, frå 25. juni til 30. juli.
Frå og med onsdag 25. juni vert det orgelkonsertar i Valle kyrkje, med utøvarar av sjeldant høg kvalitet, kvar onsdag (forutan 16. juli) ut juli månad. Alle konsertane tek til kl. 19:30.
- 25. juni kjem domkantor i Kristiansand domkyrkje, Elsebeth Lütcherath. Ho har med seg klarinettist Kari Ingelsrud.
- 2. juli kjem tidlegare organist i Bykle, Valle og Hylestad, Henrik West. Han skal spele fleire nummer frå si bok med folkelege salmetonar frå Setesdal og omegn.
- 9. juli kjem organist i Fjære kyrkje, Andrea Maini. Han er opphaveleg frå Bologna i Italia, og konserten hans har overskriften "Bach og Venezia". Denne kvelden er òg Renate Aasen frå Evje med og syng, med vår eigen organist Eirik Hodnemyr som akkompagnatør.
- 23. juli kjem tidlegare organist i Oddernes kyrkje, Ian Michael Richards. Han kan alle verk av Johann Sebastian Bach utanatt, og med seg har han si dotter Caroline Richards, som speler cello.
- 30. juli kjem tidlegare organist i Kvinesdal kyrkje, Sverre Eftestøl. Eftestøl er kjend for mange verk både for orgel og for piano, og har eit godt renommé både i Norge og i utlandet. Med seg har han svogeren sin, Bjarne Stølen, som har vore organist i Øvrebø, og er kjend for mange av sine melodiar til tekstar av Halldis Reigstad.
Me vonar at dette kyrkjemusikalske programmet vekkjer begeistring, ikkje bare hos dei av oss som likar orgelmusikk, men for alle som måtte ta turen til kyrkja. Det er fri entré på alle konsertane, og moglegheit til å gje ei gåve til kyrkja sitt musikalske arbeid.