Me får storfint besøk av forfattar og salmediktar Eyvind Skeie i kulturveka i Valle og Hylestad.
Eyvind Skeie er for mange kjend som teolog, forfattar, skribent og salmediktar, og kjem til Valle og Hylestad i samband med sitt engasjement for Stefanusalliansen. Valle og Hylestad sokn har misjonsprosjekt i Egypt, saman med Stefanusalliansen.
Sundag 12. oktober, kl. 16:00, vil Skeie preike på gudstenesta i Hylestad kyrkje, der me òg skal ha konfirmantpresentasjon, bønevandring og solosong ved Inger Lise Stulien. Anders Robstad medverker på trompet. Sokneprest Toralv Frøysaa Lie, organist Eirik Hodnemyr og kateket Anne Synnøve Ropstad medverker òg i gudstenesta.
Måndag 13. oktober, kl. 18:00, kjem Skeie til kyrkjestoga i Valle, der han vil fortele frå sitt skapande liv som forfattar, manusforfattar til barne-TV, salmediktar, med meir. Anna Slaby Driel skal spele fiolin saman med organist Eirik Hodnemyr. Det vert enkel servering, og eit minilotteri til inntekt for misjonsprosjektet.